11 - கவிமணி தேசிய விநாயகம் பிள்ளை





தேசிக விநாயகம் பிள்ளை 1876ஆம் ஆண்டு ஜூலை மாதம் 27ஆம் நாள் பிற்ந்தார்

சிவதாணுப்பிள்ளை -ஆதிலட்சுமி தம்பதியர்க்கு இரண்டு பெண் குழந்தைகளை அடுத்து மூன்றாவதாக தேசிக விநாயகம் பிறந்தார். இரண்டு பெண்களுக்கு பின் பிறந்த ஆண் மகவுக்கு தான் வணங்கும் தேசிக விநாயகரின் பெயரை வைத்தார் சிவதாணுப்பிள்ளை. ஒன்பதாவது வயதில் தன் தந்தையை இழந்தார். எம். ஏ. படித்த கவிமணி பின் ஆசிரியர் பயிற்சி படித்து தான் படித்த பள்ளியிலேயே ஆசிரியர் ஆனார். உமையம்மை எனும் பெண்ணை 1901ஆம் ஆடு மணம் முடித்தார்.

இவர் ஒரு புகழ் பெற்ற கவிஞர்.பக்தி பாடல்கள்,வரலாற்று நோக்குடைய கவிதைகள்,இலக்கியம் பற்றிய பாடல்கள்,இயற்கைப் பாடல்கள்,குழந்தைப் பாடல்கள்,வாழ்வியல் போராட்ட கவிதைகள்,சமூகப் பாடல்கள்,தேசியப் பாட்டுகள்,வாழ்த்துப் பாக்கள், கையறு நிலைக் கவிதைகள்,பல்சுவைப் பாக்கல் என அனைத்து பாடல்களையும் இயற்றியவர்.

நாகர்கோவிலிலுள்ள கோட்டார் ஆரம்பப்பள்ளி, நாகர்கோவில் ஆசிரியர் பயிற்சிப்பள்ளி மற்றும் திருவனந்தபுரம் பெண்கள் கல்லூரி போன்றவற்றில் ஆசிரியராக 36 ஆண்டுகள் பணிபுரிந்தார்.

தமிழில் குழந்தைகளுக்காக முதன்முதலில் தொடர்ச்சியாகப் பாடல்களை எழுதினார். 1938 ஆண்டு வெளியான அவருடைய மலரும் மாலையும் தொகுதியில் 25 க்கும் மேற்பட்ட குழந்தைப் பாடல்கள், 7 கதைப் பாட்டுகள் இடம்பெற்றிருந்தது. தோட்டத்தில் மேயுது வெள்ளைப் பசு என்ற பாடல் இன்றளவும் பிரபலமாக உள்ள அவரது குழந்தைப் பாடல்களில் ஒன்று

எட்வின் ஆர்னால்டின் 'ஆசிய ஜோதி" யைத் தமிழில் தழுவி எழுதினார். பாரசீகக்  கவிஞர் உமர்கய்யாம் பாடல்களைத் தழுவி தமிழில் எழுதினார்

ஆராய்ச்சித் துறையிலும் தேசிக விநாயகம் பிள்ளை பல அரிய பணிகளை ஆற்றியிருக்கிறார். 1922ல் 'மனோன்மணியம் மறுபிறப்பு' என்ற திறனாய்வுக் கட்டுரையை எழுதினார். சென்னைப் பல்களைக் கழகத்தின் தமிழ்ப் பேரகராதி உருவாக்கத்தில் மதிப்பியல் உதவியாளராக இருந்தார். கம்பராமாயணம் திவாகரம், நவநீதப் பாட்டியல் முதலிய பல நூல்களின் ஏட்டுப் பிரதிகளைத் தொகுத்திருக்கிறார். 'காந்தளூர்ச்சாலை' பற்றிய ஆய்வு நூலை எழுதினார்.

24 டிசம்பர் 1940 இல் சென்னை பச்சையப்பன் கல்லூரியில் தமிழவேள் உமாமகேசுவரம் பிள்ளை கவிமணி என்ற பட்டம் வழங்கினார்.1943ல் அண்ணாமலை அரசர் ஆத்தங்குடியில் பொன்னாடை போர்த்திக் கௌரவித்தார். பெரும் பொருள் வழங்க முன் வந்தபோது அதை வாங்க மறுத்து விட்டார். 1954 இல் கவிமணிக்குத் தேரூரில் நினைவு நிலையம் அமைக்கப்பட்டது. அக்டோபர் 2005ல் இந்திய அரசு அஞ்சல் தலை வெளியிட்டுச் சிறப்பித்தது.

பெற்ற விருதுகள்
-----------------------------

  • அழகம்மை ஆசிரிய விருத்தம்
  • ஆசிய ஜோதி (1941)
  • மலரும் மாலையும், (1938)
  • மருமக்கள்வழி மான்மியம் (1942)
  • கதர் பிறந்த கதை, (1947)
  • உமார் கய்யாம் பாடல்கள், (1945)
  • தேவியின் கீர்த்தனங்கள்
  • குழந்தைச்செல்வம்
  • கவிமணியின் உரைமணிகள்

1954ஆம் ஆண்டு செப்டெம்பர் மாதம் 26ஆம் நாள் அமரர் ஆனார்


Comments

Popular posts from this blog

13 - செய்குத்தம்பி பாவலர்

1 - சிவஞான முனிவர்

4 - இராமலிங்க அடிகளார் (வள்ளலார்)